Күнү-түнү иштеп жаткан дарыгерлер 25 миң сомго чейин кошумча акча алышат

Коронавирус илдетине каршы күнү-түнү иштеп жаткан медицина кызматкерлери маянасынан сырткары 25 миң сомго чейин кошумча акча алышат. Бул тууралуу Саламаттык сактоо министринин орун басары Төлө Исаков айтты.

"Коронавируска каршы күрөшүүгө бөлүнгөн 30 млн. сом дарыгерлердин айлык-акысына эмес, беткаптарды, коргоо костюмдарын, изоляторду ачууга керектүү атайын шаймандарды сатып алууга жумшалат. Ал эми учурда күнү-түнү иштеп жаткан медиктер эске алынып, өзүнүн маянасынан сырткары 10 000-25 000 сомго чейин кошумча акча алышат", - деген Төлө Исаков.