Курортология жана ден соолукту калыбына келтирүү илимий-изилдөө институтунда коронавирус жуктурган акыркы бейтап айыгып чыкты. Бул тууралуу Эмгек жана социалдык өнүктүрүү министрлигинен билдиришти.
Маалыматка караганда, коронавирус күчөгөн мезгилде Социалдык өнүктүрүү министрлигинин карамагына эки медициналык мекеме берилген: Курортология жана ден соолукту калыбына келтирүү илимий-изилдөө институту жана Онкология жана гематология улуттук борбору.
Министрлик кураторлук кылган мезгилден тарта - 8-июлдан бери бул эки медициналык мекемеге 1 миң 116 адам келип түшкөн. Алардын ичинен 1 миң 79 киши айыкса, 37 адам каза болгон.
Пикирлер (0)
Пикир жок. Сиз биринчилерден болушуңуз мүмкүн