Курсан Асановду ИИМди басып алды деп күнөөлөп жатат. Бир адам кантип ошончо милицияны басып алсын. Бул акылга сыйбайт. Мындай пикирин ЖК депутаты Дастан Бекешев жыйында билдирди.
"Ошондо өз имаратын басып алууга жол берген биздин милиция эмне кылды эле? 7-октябрда Асанов жалгыз ошончо милицияны катарга тургузду жеке өзү мажбурлай албайт эле. Ага так айып коюлуп жаткандыгын объективдүү карап же ачык айтып, сот процесстерин ачык өткөрүү керек. Ошондой эле аны өлкөдөн чыкпоо жөнүндө жазуу жүзүндөгү келишим менен бошотсоңуз болот", - деди ал президенттин ЖКдагы өкүлүнө кайрылып.
"Ошол кезде ким, эмнени гана басып алган жок. УКМКны, Финансылык полицияны, Башкы прокуратураны басып алууга аракет кылгандар болду. Эмне үчүн анда аларга айып салынбайт? Сиз объективдүү болушуңуз керек”, - деди Бекешев.
Пикирлер (0)
Пикир жок. Сиз биринчилерден болушуңуз мүмкүн