Курсан Асанов өзгөчө коркунучтуу кылмышкерлер кармалуучу жайга камакка алынды

Ички иштер министринин мурдагы орун басары Курсан Асанов СИЗО-50гө камакка алынды. 

Буга чейин сотко мындай өтүнүч менен прокурор кайрылган.

Айыпталуучу 14-ноябрга чейин камакка алынды.

Белгилей кетсек, СИЗО-50 Нооруз айылында жайгашып, ал жерде өзгөчө коркунучтуу кылмышкерлер, башкача айтканда террористтер, уюшкан кылмыштуу топтун мүчөлөрү кармалат.

Эске салсак, Курсан Асанов бийликти күч менен басып алууга даярдык көрүүгө айыпталып күч органдары тарабынан кармалган.