Куткаруучулар Ала-Арча суусуна түшүп кеткен жаранды куткарды

Ала-Арча суусуна түшүп кеткен адам куткарылды. Бул тууралуу Өзгөчө кырдаалдар министрлигинин басма сөз кызматы билдирет.

Маалыматка ылайык, Бишкек шаарынын Ленин районунда Ала-Арча суусуна 1957-жылы туулган эркек киши түшүп кеткен.

Жерине 4 куткаруучу тартылып, аталган жаранды суудан алып чыгып, тез жардам кызматкерлерине өткөрүп беришкен.