LG компаниясы уюлдук телефон чыгарууну токтотту

Түштүк Кореянын LG Electronics корпорациясы дүйшөмбү күнү уюлдук телефон чыгарууну токтотконун жарыялады. Бул тууралуу чет элдик басылмалар билдирди.

Маалыматка таянсак, чечим бул тармактын  кирешесиздигинен жана жогорку атаандаштыктан улам келип чыккан.

Агенттиктен белгилегендей, компания мобилдик аппараттарды өндүрүүнү Вьетнамдын Vingroup корпорациясына жана Германиянын Volkswagen авто концернине сатуу маселесин талкуулады, бирок келишим түзө алган эмес.

Компания эми башка багытка көңүл бурары айтылууда.