Лавров: Россия менен Украина ортосунда сүйлөшүүлөр токтоп турат

Украина менен Россиянын ортосундагы сүйлөшүүлөр азыркы учурда токтоп турат. Мындай пикирин Россиянын тышкы иштер министри Сергей Лавров билдирди.

Анын айтымында, Украина Россиянын сунушуна жооп берген жок.

"Украина сүйлөшүүлөрдү атайын создуктуруп жатат. Анткени артында кеңешчилери ошону каалап жатат. Украина өз алдынча чечим алуудан калды.

Биз жөнөткөн сунушка жооп бербегендиги да алардын артындагы кеңешчилеринин иши",- деди министр Лавров.

Ошондой эле министр Украина менен сүйлөшүү алардын позициясынын туруксуздугунан мүмкүн болбой жатканын кошумчалады.