№26 Ленин бир мандаттуу шайлоо округу боюнча депутатты мөөнөтүнөн мурда шайлоодо шайлоочулардын добушун сатып алуу фактысы боюнча Ленин райондук ички иштер бөлүмүнүн кызматкерлери кылмыш ишин козгоду.
Такталгандай, сотко чейинки териштирүүлөр депутаттыкка талапкер Дамира Ниязалиевага үнү окшош аял Роман аттуу агитаторлорунун бири менен добуш сатып алуу боюнча сүйлөшүп жаткан аудиотасма тарагандан кийин башталган. Кечээ Дамира Ниязалиеванын шайлоо штабында тинтүү иштери жүрдү.
Белгилей кетсек, депутаттык шайлоодо утуп чыккан талапкердин өзү бул монтаж экенин, андай сүйлөшүү болбогонун билдирген.
28-майда Ленин районунда парламенттин депутатын шайлоо болуп өттү. Рекорддук төмөн 13,9 пайыз шайлоочулардын катышуусуна карабастан, шайлоо өттү деп табылды, анткени парламенттик жарышты өтпөй калды деп эсептөөгө мыйзамдуу негиздер болгон жок.
Борбордук шайлоо комиссиясынын расмий жыйынтыгы 11-июнга чейин чыгарылышы керек.
Пикирлер (0)
Пикир жок. Сиз биринчилерден болушуңуз мүмкүн