Ленин району жыл соңунда 265 млн жоготууга учурашы ыктымал

Бишкек шаарынын Ленин районунун кирешеси жыл соңунда 265 миллионго азайышы мүмкүн. Бул тууралуу 5-майдагы брифингде Ленин администрациялык району боюнча Бишкек шаарынын мэриясынын муниципалдык администрациясынын башчысы Токтосун Султанов айтты.

“Январь айына 115 миллион сом киреше каралып анын 114 миллиону түшүп, болжолдонгон көрсөткүчтүн 99,2 пайызы аткарылган. Ал эми январь жана февраль айына 255 миллион киреше каралып 257 миллион түшүп, 100,9% аткарылган. Март айына каралган кирешенин 68,4% гана аткарылды. Ал эми жыл соңунда Ленин районун кирешеси 265 миллонго чейин түшпөй калат деген божомол бар”, - деди Султанов.