Лейлек районунда Исхак Раззаковдун 111 жылдыгы белгиленди

Улуу инсан Исхак Раззаковдун 111 жылдыгы Исфана шаарында белгиленди. Бул тууралуу жергиликтүү журналист Абдиллабек Авазов билдирди.

Алгач Исхак Раззаковдун эстелигине гүл койулуп, кураан окутулду.

Андан соң, шаардагы маданият үйүндө И. Раззаков жөнүндөгү атайын сахналаштырылган көрүнүш тартууланып, анын урматына жазылган обонду ырлар жаңырды.

Иш-чарага жергиликтүү бийлик өкүлдөрү, коомдук ишмерлер, жазуучулар катышты.