Бүгүн, 2022-жылдын 19-февраль күнү саат 12:00дө, Жаңы-Жер айыл аймагынын Борбордук айылындагы "Рано" кафесинде Лейлек районунун, Тажик Республикасынын Б.Гафуров районунун аксакалдарынын, жетекчилеринин катышуусу менен "ынтымак жолугушуусу" өткөрүлдү. Бул тууралуу Лейлек районунун администрациясы кабарлады.
Жолугушууга эки тараптан 100дөй адам катышып, чай үстүндө ынтымакка,достукка кайтуу боюнча ойлорун билдиришти.
Аксакалдар жаштарга эки элдин эзелтеден бери келе жаткан достугу, барды-келди мамилеси тууралуу айтышып, бул салтты улантууну насаат кылышты. Эки райондун жетекчилери, аксакалдар чыгып бул багытта өз ойлорун ортого салышты. Акырында аксакалдар эки элдин ынтымагын тилеп, бата кылды.
Пикирлер (2)