Лейлекте Кыргызстан менен Тажикстандын милиция жетекчилери сүйлөшүп, кыргыз тарап уурдалган малдарын кайтарып алды. Бул тууралуу Баткен ОИИБдин Басма сөз кызматынан билдиришти.
2022-жылдын 29-декабрь күнү Лейлек районунун Жаңы-Жер айыл аймагынын Борбордук айылы менен чектешкен Худжант-Канибадам автоунаа жүрүүчү жолдо Лейлек РИИБдин начальниги милициянын подполковниги Б.Кундузов жана Тажик Республикасынын Гафуров РИИБдин начальниги милициянын полковниги И.Вализода менен жолугуп, сүйлөшүүлөрдүн негизинде кыргыз тараптан уурдалып кеткен малдар кайтарылды.
Эки өлкөнүн милиция кызматкерлери жолугушууда эки элдин ортосунда ар кандай пикир келишпөөчүлүктөрдүн жана улуттар аралык чыр-чатактардын алдын алуу, чек ара тилкелеринде жашаган тургундарга пиротехникалык каражаттарды колдонууга тыюу салынганын эскертип, коомдук коопсуздукту көзөмөлдөөнү колго алды.
Кыргыз тараптын уурдалып кеткен 8 баш бодо малы кайтарылып, өз ээлерине тапшырылды.
Пикирлер (0)
Пикир жок. Сиз биринчилерден болушуңуз мүмкүн