Лейлекте 31 жаштагы адамдын үйүнөн куралдардын шаймандары табылды

Лейлек районунда 31 жаштагы адамдын үйүнөн ок атуучу куралдардын шаймандары алынды. Бул тууралуу Баткен ОИИБнын басма сөз кызматынан билдирди.

Маалыматка ылайык, Лейлек РИИБнин ыкчам кызматкерлери тарабынан 253-берененин (куралды, ок дарыларды мыйзамсыз жүгүртүү) негизинде Лейлек районунун Сумбула айыл аймагынын 31 жаштагы Ж.Б. аттуу жарандын үйүнө тинтүү жүргүзүлгөн.

Иликтөө иш-чаралар учурунда автоматтын, сайлуу жана сайсыз ок атуучу куралдардын октору, тетиктери, бөлүктөрү, бычактар, окторду жасоочу каражаттар, ошондой эле 1 даана ТОЗ-8 үлгүсүндөгү ок атуучу курал аныкталып алынган.
Алынган заттарга тиешелүү экспертизалар дайындалып, азыркы күндө тергөө иштери жүрүп жатканы айтылат.