Лейлек районунда мыйзамсыз менчиктештирилген 3,3 га жер тилкеси имараттары менен биргеликте мамлекетке кайтарылды. Бул тууралуу Башкы прокуратурадан билдиришти.
Лейлек районунун прокуратурасы тарабынан Жаңы-Жер айыл аймагында жүргүзүлгөн текшерүүдө мурдагы автотрактордук ишканага таандык 3,3 га жер тилкеси мыйзамсыз менчиктештирилип кеткендиги аныкталган.
Көрүлгөн прокурордук чаралардын негизинде базар баасы 55 млн сомдон ашык болгон жер тилке 4 имараты менен биргеликте мамлекетке кайтарылды.
Пикирлер (0)
Пикир жок. Сиз биринчилерден болушуңуз мүмкүн