Чын курандын 05, 2025
Убакыт: 09:52
USD
86.60
87.10
EUR
94.90
95.90
RUB
1.010
1.050

“Лидер-Чемпион” Кыргыз Премьер-лигасында ойноодон баш тартты

22.06.2020 18:33
897
“Лидер-Чемпион” Кыргыз Премьер-лигасында ойноодон баш тартты


“Лидер-Чемпион” командасы футбол боюнча Кыргыз Премьер-лигасынын 2020-жылдагы сезонунда ойноодон баш тартты. Бул тууралуу КПЛден билдиришти.


Маалыматка ылайык, каржылык жана спорттук жактан команданы толугу менен камсыздай албаганы үчүн Кыргыз Премьер-лигасында ойной албайт. 


Мындан улам, “Лидер-Чемпион” клубу турнирден четтетилип, Кыргыз профессионалдык лигасына мүчө болуу укугунан ажыратылган.


Ал эми "Шоро" Премьер-лиганын биринчи турунда “Нефтчиге” каршы өткөргөн оюну боюнча маселе алдынкы күндөрү чечилери айтылат.


Белгилей кетсек, “Лидер” командасы 2018-жылы теле долбоор болуп негизделип, оюнчуларды кастинг аркылуу тандап алган. Команда 2019-жылы КПЛде оюндарын өткөргөн.


Эске салсак, быйылкы сезондо футбол боюнча өлкө чемпиондугунда 9 команда катышары айтылган болчу.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн