Депутат Мирлан Жээнчороев бүгүн, 1-апрелде Жогорку Кеңештин кезексиз жыйынында премьер-министр Мухаммедкалый Абылгазиевден мурдагы вице-премьер-министр Алтынай Өмүрбекованын кызматтан кетүүсүнө эмне себеп болгонуна кызыгып суроо салды.
“Мындан ары премьер-министр болуп иштегенге моралдык укугуңуз барбы? Себеби, азыркы учурда өкмөттүн курамы 95 пайызга өзгөрдү”, - деп айтты депутат.
М.Абылгазиев кызматтан кеткен жетекчилер өз каалоолору
менен кеткенин айтып, өкмөт башчы катары иштей берүүгө моралдык укугу бар
экенин билдирди.
“Азыр сиз жана сизден башка бир-эки эле киши калды. Командаңыздын баары кызматынан алынды. Мен ойлойм сиз дагы отставкага кетишиңиз керек же жаңы команданы карантин бүткөнчө бекем кармап, андан кийин чечим кабыл алышыңыз зарыл”, - деп белгиледи Жээнчороев.
Анын мындай пикирине өкмөт башчы “аны сиздер чечесиздер”, - деп жооп берди.
Пикирлер (0)
Пикир жок. Сиз биринчилерден болушуңуз мүмкүн