Президенттикке талапкер Адахан Мадумаров үгүт иш-чарасына жашы жете элек кыз катышкандыгы үчүн расмий эскертүүгө туш болду. БШКнын отурумунда Баткен шаарынын тургунунун арызы каралууда.
Арыз ээси шайлоочулар менен болгон жолугушуулардын биринде өспүрүмдүн микрофонго чуркап барып, Мадумаровго добуш берүүгө кантип үндөгөндүгүн көрсөткөн видео жөнөткөн. Президенттик кызматка талапкердин ыйгарым укуктуу өкүлү Артур Бакиров штабдын бул кызга эч кандай тиешеси жок, бул анын каалоосу деп түшүндүрдү.
"Мадумаров баланын кумири, алар аны токтото алышкан жок, ал тез арада колдоо сөздөрүн айтып, кайра чуркап кетти",- деди Бакиров.
Ал ортодо Борбордук шайлоо комиссиясынын мүчөсү Акылбек Сариев мыйзам баарына бирдей экендигин жана кыздардын ата-энеси менен келген күндө дагы талапкерлердин шайлоочулар менен жолугушуусуна балдардын катышуусу кабыл алынгыс экендигин эске салды.
Бирок, буга чейин координациялык топтун мүчөлөрү муну мыйзам бузуу деп эсептешип, БШКга жазуу жүзүндө расмий эскертүү берүүнү сунушташкан. Эгерде талапкер эки жолу эскертүү алса, анда ал шайлоодон четтетилет.
Пикирлер (4)