Кыргызстандын бүгүн кызматтан алынган муфтийи Максат Токтомушев кармалганын УКМКнын басма сөз кызматы 10-февралда билдирди.
Буга чейин Мамлекеттик комитеттин кызматкерлерине өзгөчө ири өлчөмдө пара берүү фактысы боюнча УКМК КМДБнынбашкы бухгалтери Ж.Б.ны кармаган.
"Тергөө иш-аракеттеринин натыйжасында, муфтий Максат ажы Токтомушевдин бул кылмышты жасоого катышы бар экендиги, ошондой эле ажылык сапарга баруучулардын салымдарын кошкон акчалай каражаттарды пайдаланууга байланыштуу каржылык мыйзам бузууларга байланыштуу далилдер табылды", деп айтылат УКМКнын билдирүүсүндө.
Буга байланыштуу Максат ажы Токтомушев УКМКнын убактылуу кармоочу жайына киргизилген.
"Жогоруда аталган иш боюнча тергөө уланууда. Мыйзамсыз ишке тиешеси бар адамдарга юридикалык баа берилет", - деп билдирди УКМК.
Пикирлер (1)