Максатсыз көчөгө чыкпагыла, - Министрлик

Саламаттыкты сактоо министринин орун басары Мадамин Каратаев 24-июндагы брифингде элди максатсыз көчөгө чыкпоого чакырды.

Анын айтымында, соңку жумада эпидемия тездик менен өсүп кеткенине байланыштуу кошумча иштер жүргүзүлүп жатат.

“Максатсыз көчөгө чыкпагыла. Беткап тагып жүргүлө, колуңарды тез-тезден самындап жууп тургула жана себепсиз коомдук жайларга барбагыла. Элдер санитардык эрежелерди сактабай, өзүлөрү оорунун көбөйүп кетүүсүнө түрткү болууда. Бишкек менен Чүйдө соңку убакта тездик менен өсүп кетти. Бул санитардык талаптар сакталбагандыктан. Тартиптерди сакташыбыз керек”, - деди Каратаев.