Мамлекет кирешеси жыл соңунда 30 миллиард жоготушу мүмкүн

Жыл соңунда мамлекеттин кирешеси 30 миллиард жоготууга учурашы мүмкүн. Бул тууралуу Каржы министри Бактыгуль Жээнбаева маалымат жыйында билдирди.

Анын айтуусуна карганда, пандемиянын кесепетинен улам экономика тармагында кыйынчылыктар жаралган.

“Бүгүнкү күндө өлкөбүздө дээрлик бардык бизнес өз ишин убактылуу токтотту. Бул республикалык бюджетти аткарууга олуттуу таасирин тийгизүүдө. Республикалык бюджеттин киреше бөлүгү боюнча төмөндөө процесси жүрүүдө, жылдын жыйынтыгында төмөндөөнүн көлөмү 30 миллиард сомдон ашып кетиши мүмкүн”, - деди Жээнбаева.

Ал мындан сырткары, COVID-19 пандемиясына каршы күрөшүү иш-чараларынын алкагында  бюджеттин чыгашалары көбөйүшү мүмкүн экенин кошумчалады.