Мамлекеттик чыккынчылыкка айыпталып жаткан Пётр Порошенко камакка алынган жок

Украинанын мурдагы президенти Пётр Порошенко өлкөсүнө кайтып келгенден кийин абакка алынган жок. Бул тууралуу чет элдик басылмалар билдирди.

Маалыматка ылайык, Порошенко жубайы жана жактоочулары менен 17-январда Киевге кайтып келген. Аны түз сот залына алып барышкан. Сот 19-январга жылдырылып, Порошенко коё берилген.

19-январда болсо кайрадан сот өтүп Пётр Порошенконун жана жубайынын мүлктөрү камакка алынган.

Ошондой эле Порошенконун паспорту мамлекетке өткөрүлүп берилген. Ал эми өлкөдөн чыга албайт.