Бардык мамлекеттик органдар максималдуу үнөмдөө режимин улантуусу зарыл. Бул COVID-19 пандемиясына каршы күрөшүү маселелерине тийиштүү эмес, деп билдирди биринчи вице-премьер-министр Алмазбек Баатырбеков Республикалык ыкчам штабдын кезектеги жыйынында.
Анын айтымында, тартылган бардык мамлекеттик түзүмдөр ишти күчөтүүгө тийиш. Анын ичинде Саламаттык сактоо министрлиги медицина кызматкерлеринин айлык акысын убагында берүү маселесин ыкчам чечиши шарт. Мындан тышкары маанилүү маселелердин бири аларга компенсацияларды төлөп берүү болуп саналат.
“Биз күнү-түнү жарандарыбыздын өмүрү үчүн күрөшүп жаткан дарыгерлерге, медайымдарга жана санитарларга болушунча кам көрүүгө тийишпиз", - деди Алмазбек Баатырбеков.
Пикирлер (0)
Пикир жок. Сиз биринчилерден болушуңуз мүмкүн