Ушул жылы июль айында кызматтык иликтөөнүн жүрүшүндө мамлекеттик жана аскердик сырды камтыган маалыматтарды сактоо эрежелери бузулгандыгы аныкталган. Бул тууралуу УКМКнын Чек ара кызматы билдирди.
Анын жыйынтыгында, «Кадамжай—унаа жолу» көзөмөл-өткөрүү пунктунун жетекчиси, майор Р.Д. ээлеген кызматынан бошотулган.
Учурда Р.Д.нын үстүнөн бир нече кылмыш иши козголуп, сотко чейинки өндүрүш иштери жүрүүдө.
Сентябрь айында Ысык-Көл райондук сотунун чечими менен Р.Д. Жазык кодексинин 268-беренесинин (Баңгизат каражаттарын, психотроптук заттарды жана алардын аналогдорун сатып өткөрүү максатысыз мыйзамсыз даярдоо) 2-пункту боюнча эки айга камакка алынган.
«Кадамжай—унаа жолу» көзөмөл-өткөрүү пункту Баткен облусунда, кыргыз-өзбек чек арасында жайгашкан.
Р.Д. деген инициалдарга майор Руслан Деркембаев туура келет.
Пикирлер (0)
Пикир жок. Сиз биринчилерден болушуңуз мүмкүн