Манас шаарында жаңы төрөлгөн ымыркайды көп кабаттуу үйдүн алдына таштап кетишкен

Кечээ, 8-октябрда болжол менен саат 14:40 чамасында Манас шаарында жаңы төрөлгөн ымыркайды подъездге таштап кетишкен.

Жалал-Абад облустук милициядан билдиришкендей, Манас ШИИБдин нөөмөт бөлүмүнө милиция кызматкеринен чалуу келип түшкөн. Анда Манас шаарындагы көп кабаттуу үйлөрдүн биринин кире беришинде жаңы төрөлгөн ымыркай ташталганы калгандыгы тууралуу кабар берилген.

Окуя каттоого алынып, Тергөө тобу окуя болгон жерге барып, наристени Жалал-Абад облустук төрөт үйүнө өткөрүп беришкен.

Ыкчам издөө иш-чараларынын негизинде, Манас ШИИБдин кылмыш иликтөө бөлүмүнүн кызматкерлери ошол эле күнү саат 17:00 чамасында шектүү жаранды аныктап, кармашкан.

Учурда тергөө амалдары жүрүп жатат.