Депутат Марат Аманкулов "Биримдик" партиясынын төрагалыгынан, ага кошумча саясий партиянын катарынан кетти. Бул тууралуу ал Дастан Бекешев менен болгон чакан маегинде билдирген. Маек депутаттын Телеграм каналына жарыяланган.
"Ооба, бул чын, мен төрагалыктан кетип, "Биримдик" партиясынан чыктым. Азыр мен эч бир партияда эмесмин, азырынча бир дагы партияга кошулбайм", - деди саясатчы.
Ошондой эле ал болжолдуу түрдө 2021-жылы жазында боло турган парламенттик шайлоого катышууга ниети жок экендигин баса белгиледи.
"Шайлоо (парламенттик) менин пландарыма дагы кирбейт. Илимий жана билим берүү тармагында иштөөнү ойлонуп жатам", - деп жыйынтыктады Марат Аманкулов.
Эске салсак, "Биримдик" саясий партиясы 4-октябрда өткөн парламенттик шайлоодо жеңип чыккан партиялардын бири болчу.
Пикирлер (0)
Пикир жок. Сиз биринчилерден болушуңуз мүмкүн