Жалпы республикалык тестирлөөгө (ЖРТ) кыргыз тили киргизилбей калды деген маалымат чындыкка туура келбейт жана маалыматтар бурмаланып берилип калган деп билдирди Билим берүү жана илим министринин мектеп, мектепке чейинки жана мектептен тышкаркы бөлүмүнүн башчысы Марат Усеналиев.
Анын айтымында, тестирлѳѳдѳ Кыргызстандын жана дүйнөнүн тарыхы, физика, химия, биология, математика сыяктуу предметтер боюнча кошумча тесттер кыргыз тилинде тапшырылып келген. Ѳлкѳдѳгү бүтүрүүчүлѳрдүн 70%дан ашыгы ЖРТны кыргыз тилинде тапшырышат жана бул тууралуу эч кандай маселе болгон эмес.
Эскерте кетсек, буга чейин кээ бир маалымат булактарында кыргыз тили Жалпы республикалык тестирлѳѳгѳ киргизилбей калды деген маалымат жарыяланган.
Пикирлер (0)
Пикир жок. Сиз биринчилерден болушуңуз мүмкүн