Кыргызстандын Нефтетрейдерлер ассоциациясы республикада күйүүчү-майлоочу майдын баалары 2021-жылдын март айына чейин орто эсеп менен 9-10 пайызга өсүшү мүмкүн деп божомолдоодо. Бул тууралуу аталган мекеме билдирди.
Болжомол республикада болгон мунай заттарынын учурдагы запасын жана Россиянын мунайды кайра иштетүүчү заводдорунун учурдагы сатуу бааларын талдоонун негизинде түзүлгөн. 2021-жылдын январь-февраль айларында Кыргызстанга Россиянын төрт заводунан күйүүчү май ташылган.
Жыл башынан бери бензин тобу үчүн сатуу 100-140 долларга (литр 7-9,8 сомго), дизелдики 40-60 долларга жогорулаган.
"Россиянын сатуу бааларынын көтөрүлүшү мунай заттын дүйнөлүк баасынын көтөрүлүшү, заводдордо мунайды кайра иштетүү көлөмүнүн төмөндөшү жана жазгы талаа иштери башталганга чейин мунай заттарына күтүлүп жаткан суроо-талап менен байланыштуу. Эл аралык Валюта Фонду дүйнөлүк экономиканын калыбына келишине байланыштуу 2021-жылы мунай заттын баасы 2 пайызга көтөрүлөт деп болжолдогон. Argus эл аралык көз карандысыз агенттигинин маалыматы боюнча, пандемиянын 2011-жылдын деңгээлине чейин төмөндөшүнүн натыйжасында 2020-жылы Россиянын заводдорунда мунайды кайра иштетүү көлөмү кыскарган”, - деп белгилешти Нефтетрейдерлер ассоциациясы.
Пикирлер (0)
Пикир жок. Сиз биринчилерден болушуңуз мүмкүн