Мас абалындагы аял патрулдук милиция кызматкерин сыра банкасы менен урган

Бишкекте аял инспекторлор менен уруша кеткенин Патрулдук милициянын кызматкери Мирлан Таалайбеков билдирди.

Окуя 8-февраль күнү кечинде болгон. Жибек Жолу проспектиси менен Үмөталиев көчөсүнүн кесилишинде патрулдук милиция кызматкерлери кафе тарапты көздөй бурулуп бараткан Hyundai Getz үлгүсүндөгү унааны байкашкан. Алар унааны токтоткондо, айдоочу мас абалында болгон. Мындан тышкары, унаанын ичинде спирт ичимдиктери төгүлгөн.

Унаадагы жүргүнчү күйөөсү унааны жылдырып токтотуп жатканын айткан. Бирок патрулдук милиция кызматкерлери ишенишкен эмес, андан кийин аял алар менен урушуп: ал уят сөздөрдү айтып, анан аларга сыра банкасын ыргыта баштаган.

Жубайлар наркологиялык борборго жеткирилип, экспертиза экөө тең мас экенин көрсөткөн. Унаа айып жайга киргизилип, айдоочуга мас абалында айдагандыгы үчүн айдоочулук күбөлүгүнөн ажыратуу боюнча протокол түзүлдү.