Президент таза эмес шайлоо болду десе БШК жеңилирээк чечим кабыл алмак. Бул туурасында экс-депутат Исхак Масалиев "Азаттык" үналгысынын эфиринде билдирди.
Масалиевдин айтымында, президент таза эмес шайлоо өттү деп жазып койгондо БШК да ошентип чыкмак.
"Бишкекте өткөн шайлоого шаардыктардын 3/1 катышты. Бул абдан начар көрсөткүч. Добуш бергендер талапкерлердин тууганы, достору жана акча сатып алган шайлоочулар. Алар дагы мажбур болууда. Бардык жерде кымбатчылык. Бекер добуш берип 4 жыл күткөнчө, 1000 сом алган ал үчүн да пайдалуу. Эгер президент социалдык тармактагы баракчасына таза эмес шайлоо өттү десе БШК да дароо ошентип чыкмак. Азыр БШК үчүн чечим кабыл алуу кыйын болуп турат",- деди Масалиев.
Пикирлер (0)
Пикир жок. Сиз биринчилерден болушуңуз мүмкүн