17-декабрда Ош шаардык спорт комитетинин жетекчиси Кылычбек Саркарбаев аты-жөнүн жасалма документ аркылуу өзгөрткөн деген шек менен кармалды. УКМК тарабынан кылтакка илинген Саркарбаев кылмыш дүйнөсүнө жакын болуп, бажы кызматынын жетекчисинин мурдагы орун басары Райымбек Матраимовдун “жүгүртөгү” катары да айтылып жүргөн.
“Үмүт – 2020” кыймылынын лидерлеринин бири Нурсултан Акылбек “Азаттык” үналгысына берген маегинде Матраимов алсырап баратканын билдирген.
“Кылычбек Саркарбаев менен Мунарбек Сайпидинов криминалга жакын адамдар экени билинген. Матраимовдун жакын адамдарынан болгондуктан коомго белгилүү болгон кылыктары үчүн жооп бербей келген. Балким бул кармалып жатканы Матраимов алсырап баратканынан кабар берет. Бирок Матраимов өзү кармалган жок”, - дейт ал.
Пикирлер (1)