Айрым май куюучу жайларда санитардык нормалар сакталган жок, айрыкча айдоочуларга автоунааларын өз алдынча май куюуга уруксат берилүүдө. Бул белгиленген санитардык нормаларга каршы келет, деп билдирди вице-премьер-министр Аида Исмаилова Республикалык штабдын жыйынында.
Жыйындын жүрүшүндө штабдын мүчөлөрү Нарын облусундагы эпидемиологиялык абалды талкуулашты. Мындан тышкары обсервациялык жайлардын даярдыгы жана аларды кароо боюнча жүргүзгөн иштер боюнча Өзгөчө кырдаалдар министрлигинин дарегине сын айтылды.
Республикалык штаб жаңы обсервация үчүн орундарды даярдоо жана мындай жайлардагы тиешелүү көзөмөлдү күчөтүү, ошондой эле башка өлкөлөрдөн келип, үй карантинине алынгандар талаптарды катуу сактоосуна өзгөчө көңүл буруу боюнча тапшырмалар берилди.
Пикирлер (0)
Пикир жок. Сиз биринчилерден болушуңуз мүмкүн