Чын курандын 05, 2025
Убакыт: 07:46
USD
86.60
87.10
EUR
95.20
96.20
RUB
1.000
1.050

Медер Абакиров Даниянын элчисинин ишеним грамоталарынын көчүрмөсүн кабыл алды

17.03.2025 09:31
614
Медер Абакиров Даниянын элчисинин ишеним грамоталарынын көчүрмөсүн кабыл алды


Кечээ тышкы иштер министринин орун басары Медер Абакиров Москва шаарындагы резиденциясы менен Дания Падышачылыгынын Кыргызстандагы элчиси Йеспер Вардан ишеним грамоталарынын көчүрмөсүн кабыл алды.


Ведомстводон маалымдашкандай, тараптар кызматташтыкты өнүктүрүү, иш сапарлар менен алмашуу жана тышкы саясий ведомстволордун деңгээлинде саясий консультацияларды өткөрүү маселелерин талкуулашты.


Мындан тышкары, Даниянын элчиси менен келишимдик-укуктук базаны кеңейтүү, ошондой эле эмгек миграциясы жаатында кызматташуу маселелери талкууланды.


Тараптар Европа Биримдигинин жана эл аралык уюмдардын алкагында кызматташуу маселелерине токтолуп, эл аралык жана аймактык күн тартибиндеги маселелер боюнча пикир алмашышты.


Министрдин орун басары Медер Абакиров Даниядан делегацияны 2025-жылдын 24-25-апрелинде Бишкек шаарында өтө турган "Туруктуу өнүгүү үчүн глобалдык тоо диалогу" эл аралык конференциясынын ишине жогорку деңгээлде активдүү катышууга чакырды.

Теги

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн