Дарыгерлерди ташуу үчүн атайын унаалар бөлүнөт

Саламаттык сактоо министрлиги тарабынан план иштелип чыкты, ага ылайык медицина кызматкерлерин жашаган жеринен жумуш ордуна чейин, кайра жумуш убактысы бүткөндө үйлөрүнө ташып баруу боюнча унаа уюштурулду. Бул тууралуу саламаттык сактоо министринин орун басары Айнура Акматова маалымат жыйында билдирди.

“Кечээ, 24-мартта штабка кайрылып, медиктерди ташуучу автоунаага уруксаат кагазын алуу боюнча кайрылганбыз. Учурда биздин кызматкерлердин саны такталууда”, - деди ал.

Акматова кошумчалагандай, эпидемиолгиялык иш-чараларды жүзөгө ашыруу үчүн Бишкек шаардык мэриясы 19 автоунаа бөлүп берүүгө даяр.