Медкызматкерлерге 1000 коргоочу атайын костюмдар берилди. Бул тууралуу коронавируска каршы күрөшүү боюнча республикалык штабдан билдиришти.
Маалыматка ылайык, коронавируска каршы күрөшүүдө "Апаатка такаат" соцдолбоордун алкагында уюшулган ишкерлердин JIA Бизнес-ассоциациясы "Элим, барсынбы?" фонду менен биргеликте медиктерге 1000 коргонуучу костюм (ЖКК) беришкен.
Костюмдар Кытайда даярдалган, алар бардык стандарттарга жооп берет жана сапат тастыктамасы бар. Топтомго: беткап, көз айнек, костюм, бахила жана кол кап кирет.
Буларды сатып алуу үчүн ишкерлерден 2 млн сом чогултулган. ЖКК республиканын бардык медициналык мекемелери боюнча бөлүштүрүлөт.
Пикирлер (0)
Пикир жок. Сиз биринчилерден болушуңуз мүмкүн