“Мекеним Кыргызстан” жана “Табылга” партиялары бирикти

“Мекеним Кыргызстан” менен “Табылга” партиялары күзүндө болуучу шайлоого бирге барат. Бул тууралуу “Мекеним Кыргызстан” партиясынын штабы кабарлады.

Маалыматка ылайык, “Мекеним Кыргызстан” партиясынын лидери Мирлан Бакиров менен “Табылга” партиясынын лидери Туратбек Акимканов биргеликте иш алып баруу боюнча меморандумга кол коюшту.

“Табылга” саясий бирикмеси Ысык-Көл облусунун активисттери тарабынан негизделген чыныгы элдик партия болуп саналат. Каракол шаардык кеңешине шайлоодо аталган партия жалпы мандаттардын 28,5 пайызына ээ болгон.