Ош шаарынын мурдагы мэри Мелис Мырзакматов чек ара мамилесин кантип чечүү жолдорун атады. Бул тууралуу ал журналист Майраш Базлакуновага берген маегинде билдирген.
Анын айтымында, чек араны чечүүдө далилдер жана сабырдуулук керек.
"Чек араны бир күндө, бир айда чечүүгө шашпай алгач өзүбүздүн жер экендигин тастыктаган документтерди топтош керек. Сабырдуулук менен кошуналар менен мамилени бузбай чечүү үчүн алардын да жүйөсүн угуу зарыл.
Мисалы, Өзбекстандын "Фархат" деген суу бөлүштүрүүчү жайын тажиктер басып алган. Өзбекстан шашкан жок. Алты жылдан кийин документтердин негизинде кайтарып алды.
Мына ошондуктан өлкө кубаттуу болсо, далилдер да жетиштүү болсо чек ара чечилет",- деди Мырзакматов.
Пикирлер (0)
Пикир жок. Сиз биринчилерден болушуңуз мүмкүн