Чын курандын 06, 2025
Убакыт: 04:42
USD
86.60
87.10
EUR
94.90
95.90
RUB
1.010
1.050

Мэрия шаардыктарды көмүрдүн күлүн таштанды челектерине таштабоого чакырды

15.10.2021 15:30
1039
Мэрия шаардыктарды көмүрдүн күлүн таштанды челектерине таштабоого чакырды

Бишкек шаардык мэриясынын алдындагы "Тазалык" муниципалдык ишканасы шаардыктарды көмүрдүн күлүн таштанды челектерине таштабоого чакырды. Бул тууралуу мэриянын басма сөз кызматы билдирди.


Жылытуу мезгили башталганда көмүр менен жылытылган жер үйлөрдүн ээлерине күлдү кайда ыргытуу керек деген суроо жаралат.


Борбор калаанын мэриясы көмүрдүн күлүн "Тазалык" муниципалдык ишканасы алып кетерин билдирет. Тургундар аны муздатып, каптарга салып, анан негизги таштандылардын жанына таштап коюлары керек.


Ошол эле учурда күлдү таштанды контейнерине таштоого тыюу салынат! Анткени күлдөн өрт пайда болушу мүмкүн.


Эгерде сиз жеке меш менен жылытылган юридикалык уюм болсоңуз,  (мектептер, бала бакчалар, мончолор ж.б.) күлдү тазалоо үчүн атайын жабдуулары жана "Бишкек санитардык полигону" менен келишим түзгөн жеке компанияларга кайрылууну суранабыз.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн