Милиция абактан качкан жаранды кармады

Ысык-Ата районундагы убактылуу кармоочу жайдан качкан 26 жаштагы Тилек Акматов кармалды. Бул тууралуу Бишкек шаардык Кайгуул кызматы кабарлады.

Эске салсак, кармалган адам 10-октябрь күнү эртең мененки саат 07:09дар чамасында качкан. Ал Ленин айылындагы үйлөрдүн бирине уурулукка кирди деген шек менен 8-октябрда колго түшүрүлүп, убактылуу кармоочу жайга киргизилген. Милиция бул ишти Жазык кодексинин 200-беренеси ("Уурулук") боюнча Кылмыш жана жоруктардын бирдиктүү реестрине каттаган.