Милиция "Ош базарындагы" мантычылар менен болгон жаңжалга түшүндүрмө берди (ВИДЕО)

Ленин РИИБ социалдык тармактарда милиция сатуучуларды уруп идиштерин сындырды деген маалымат боюнча түшүндүрмө берди. 

"18-январда "Ош Базары" соода-базар комплексинин аймагында соода эрежелери жана санитардык-гигиеналык ченемдер сакталбаган сооданы жоюу боюнча профилактикалык иш-чаралар жүргүзүлдү. Рейд учурунда милиция кызматкерлери коомдук тартипти жана коопсуздукту камсыз кылышты. Профилактикалык иш-чараларды жүргүзүү учурунда дагы, андан кийин дагы эч ким милицияга арыз менен  кайрылган жок" ,- деди милициядан.

Эске салсак, рейд учурунда милиция менен сатуучулар ортосунда жаңжал чыгып, сатуучунун идиштери талкаланган.