Бишкек шаарынын Биринчи Май РИИБинин Экстремизмге жана мыйзамсыз миграцияга каршы күрөшүү кызматынын кызматкери пара талап кылуу фактысы менен кармалды. Бул тууралуу УКМКнын басма сөз кызматынан билдиришти.
Маалыматка ылайык, кызматкер Д.М. 9-сентябрда кармалган.
Тергөөнүн версиясы боюнча, кызматкер А.С. аттуу жаранга алдамчылык боюнча кылмыш ишин козгойм деп коркутуп, 500 доллар жана улуттук элементтерден жасалган кымбат сувенирди талап кылган. Бул факты Кылмыштардын жана жоруктардын бирдиктүү реестрине катталып, шектүү УКМКнын СИЗОсуна киргизилген.
Тергөө иштери жүрүүдө.
Пикирлер (0)
Пикир жок. Сиз биринчилерден болушуңуз мүмкүн