Милициянын кайгуул кызматкери Аброр Хакимов Түркияда өткөн мелдеште алтын курга ээ болду. Бул тууралуу Ош ШИИБ боюнча МККБнын Басма сөз кызматы кабарлады.
Ош шаардык ички иштер башкармалыгы боюнча милициянын кайгуул кызматынын кызматкери Аброр Хакимов Түркияда өткөн WAKO PRO мелдештинде 71 кг салмактагылар арасында Кикбоксинг боюнча чемпион болду.
Аны «Ош» эл аралык аэропортунан Ош ШИИБи боюнча милициянын кайгуул кызматынын кызматкерлери, Ош шаардык спорт комитетинин өкүлдөрү тосуп алышкан.
Аталган кызматтын басма сөз кызматы кабарлагандай, Кайгуул кызматынын жетекчилиги Аброр Хакимовду жеңиши менен куттукташкан.
«Аброр Хакимов Ош ШИИБи боюнча милициянын кайгуул кызматынын саптык батальонунун 2-взводунун кызматкери. Ал профессионал мушкерлер арасында Түркияда өткөн Кикбоксинг боюнча мелдешке Кыргызстандын атынан катышып, алтын курду уткан. Аны аэропорттон тосуп алып, жеңиши менен куттуктадык»,-деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн