Ноокат районунда коронавируска чалдыккандар Ош шаарынындагы аэропортко келип конушкан. Бул тууралуу саламаттык сактоо министри Космосбек Чолпонбаев бүгүн, 20-мартта маалымат жыйында билдирди.
Анын айтымында, учурда алар кимдер менен байланышта болгону, канча адам менен чогуу болгон жана башка тиешелүү текшерүүлөрдү жүргүзүү үчүн атайын топ жерине барып иштеп жатат.
Министр ошондой эле бул жарандардын жашы канчада, жынысы кандай жана башка өздүк маалыматтары боюнча айтуудан баш тартты.
"Биз алардын ден соолугу кандай, кандай жардамдар көрсөтүлүп жатат мына ушулар боюнча гана айтып турабыз. Ал эми жеке маалыматтарды бере албайбыз. Себеби алардын жакындары, кошуналары болот дегендей. Ошондой эле кээ бири дүрбөлөң да кылышы мүмкүн ", - деди ал.
Пикирлер (0)
Пикир жок. Сиз биринчилерден болушуңуз мүмкүн