Кыргызстанда азырынча беткаптардын запасы жетиштүү. Бул тууралуу саламаттык сактоо министри Космосбек Чолпонбаев бүгүн, 13-мартта Бишкекте өткөн маалымат жыйында билдирди.
Анын айтымында, Саламаттык сактоо министрлигинде атайын гуманитардык склад бар. Ал жакта жетиштүү көлөмдө беткаптын запасы турат. Андан тышкары ооруканалардын барында беткаптар жетиштүү көлөмдө.
"Базарларда беткап тартыштыгы орун алып атат. Азыр үч компанияга тапшырма бердик. Алар 440 дарыканага беткаптарды таратып беришет. Ал жерде жаңы тартипти киргиздик. Ага ылайык, дарыканаларда 10 сомдон үйдө сатылбашы керек жана ар бир адамга үчтөн гана берилиши зарыл. Азыр бир компанияга беткап даярдоо боюнча буйрутма бердик. Сыноо катарында эмки жумуда даярдап чыгарып бериши шарт. Мындан тышкары 3 айдын ичинде беткаптарды даярдап берүүгө буйрутмалар берилген. Кыргызстанда жеткиликтүү көлөмдө запасын сактап туруу боюнча иштерди жүргүзүп жатабыз", - деп кошумчалады министр.
Пикирлер (4)