Министрдин орун басары: Өзгөн району Баткен облусуна карайт

Бүгүн, 21-апрелде Жогорку Кеңештин жыйында кесиптик окуу жайлар боюнча мыйзам долбоору каралды. 

Депутат Сагындык Келдибаев Билим берүү жана илим министринин орун басары Нурлан Омуровго: "Өзгөн районунда канча кесиптик лицей бар?",- деген суроо берди. 

"Өзгөн районунда так канча лицей бар экени боюнча азыр толук маалыматым жок. Жалал-Абад облусу боюнча кесиптик лицейлердин саны...",-деди Омуров.

"Мен сизге Жалал-Абад облусун айткан жокмун. Өзгөн району Жалал-Абад облусуна карайбы?",- деди депутат.

"Өзгөн району Баткен облусуна карайт",- деди министрдин орун басары. 

"Министрдин орун басары Кыргызстандагы эң чоң райондордун бири Өзгөн районун кайсы облуска карарын билбейби?", - деди Келдибаев. 

"Мен азыр чаташтырып алдым",- деди Омуров.