Бүгүн, 27-сентябрда Министрлер кабинетинин төрагасы Улукбек Марипов Климаттын жана экологиянын өзгөрүүсү жана «жашыл» экономиканы өнүктүрүү маселеси боюнча координациялык кенештин алгачкы кенешмесин өткөрдү. Бул тууралуу Министрлер кабинетинин басма сөз кызматы билдирди.
Күн тартибинде 4 маселе, анын катарында «Кыргыз Республикасынын улуттук деңгээлде аныкталган салымы» (УДАС) документинин долбоору каралды.
Долбоор митигация (климаттын өзгөрүү таасирин жумшартуу) жана адаптация боюнча чараларды ишке ашыруу жолу аркылуу парник газдарынын бөлүп чыгарууларын кыскартууну карайт. Учурда Министрлер Кабинетинин артыкчылыктуу багыттарынын бири экологиялык коопсуздук жана климаттын туруктуулугу маселеси болуп саналат.
Жыйынтыгы боюнча кеңешменин күн тартибиндеги бардык маселелер жактырылды.
Пикирлер (0)
Пикир жок. Сиз биринчилерден болушуңуз мүмкүн