Министрлик коронавирус жуктургандардын жаш өзгөчөлүктөрүн атады

Саламаттыкты сактоо министринин орун басары Мадамин Каратаев бүгүн, 10-апрелде өкмөттө түз эфирдеги брифингде маалымат берип жатып, республикада COVID-19 инфекциясын жуктуруп алган адамдардын жаш өзгөчөлүктөрүнө токтолду.

Анын айтымында, 298 адамдын ичинен 34 - 15 жашка чейинки балдар, 1 жашка чейинки - 2 бала, 16-жаштан 19 жашка чейинки  - 11 бала, 20дан 35 жашка чейин - 75 киши, 36 жаштан 55 жашка чейин - 106 адам жана 56 жаштан жогору - 72 киши.

Ал эми стационарда 254 адам дарыланып жатат, алардын 8и оор абалда.

Каратаев кошумчалагандай, жалпы ооруп жаткандардын 154ү аял, 144ү эркек киши.