Реалдуу режимдеги окутууга өтүүнүн бир нече варианттары бар экендиги тууралуу билим берүү жана илим министринин орун басары Надира Жусупбекова «Ала-Тоо 24» каналынын эфиринде билдирди.
«Эгер кырдаал туруктуу болсо, менин оюмча, биздеги варианттар боюнча биринчи кезекте мектепке 5, 9 жана 11-класстардын окуучулары келишет. Бирок, 2-класстарды да биз унутта калтырган жокпуз. Анткени алар 1 жыл гана окушту, анда да былтыркы окуу жылы толук болгон жок. 9 жана 11-класстар — бүтүрүүчүлөр. Алар канчалык реалдуу окушса, ошончолук жыйынтык жакшы жана балдардын өзүнө болгон ишеничи жогору болот. Эмне үчүн 5-класстар? Анткени алар башталгыч мектептен жогорку класска которулат. Аларга ар башка мугалимдер билим бере баштайт. Ошондуктан аларга оор болуп жатат», - деди министрдин орун басары.
Ошондой эле ал эң башкысы балдардын, мугалимдердин жана ата-энелердин коопсуздугу экенин белгиледи.
Пикирлер (1)