Саламаттыкты сактоо министирлигине керектүү медициналык жабдуулар орнотулган "Мерседес-Бенц Спринтер" үлгүсүндөгү бир тез жардам унаасы жана 10 даана кычкылтек концентратору тапшырылды. Бул тууралуу министрликтин басма сөз кызматы билдирди.
Маалыматка караганда, өлкөдөгү ири интернет-провайдер “Акнет” компаниясы тарабынан көрсөтүлгөн гуманитардык жардамды министр Сабиржан Абдикаримов кабыл алды.
Министрликтин статс-катчысы Калысбек Шадыханов “Акнет” компаниясына ыраазычылыгын билдирип, кабыл алынган гуманитардык жардам кайсы аймакка таратылаарын айта кетти.
"Кычкылтек концентраторлору Бишкек шаары, Нарын, Ош облустарында жаңы салынып жаткан бейтапканаларга таратылып берилмекчи. Ал эми ыкчам медициналык жардам көрсөтүү унаасы ордо калаадагы автопарктын катарын толуктайт”, - деди ал.
Пикирлер (0)
Пикир жок. Сиз биринчилерден болушуңуз мүмкүн