Монголия Дундговь аймагынын төрт сомонунда уран кендерин чалгындоону токтотту. Буга чалгындоо иштерин жүргүзүп жаткан “Гурвансайхан” компаниясы тарабынан радиациялык коопсуздук чараларын сакталбагандыгы себеп болду. Ядролук жана радиациялык коопсуздук боюнча инспекция компания коопсуздук стандарттарын сактабай, радиациялык нурлануулардын чыгуусуна жол берип жаткандыгын аныктаган.
Натыйжада, аталган компания Олзийт, Баянжаргалан, Гурвансайхан жана Өндөршил сомондорунда уран чалгындоого алган үч лицензиясынан ажырады.
“Гурвансайхан” компаниясынын 70% активи канадалык “Денисон майнз” компаниясына, 15%ы россиялык “Атомредметзолото” мамлекетик компаниясына, калганы Монголиянын өкмөтүнө таандык.
Пикирлер (0)
Пикир жок. Сиз биринчилерден болушуңуз мүмкүн