Кечээ, 24-мартта Москва-Бишкек
каттамы боюнча келишкен жүргүнчүлөр мурдагы "Фрунзе" заводунун жаңы
мейманканасына карантинге жайгаштырылды.
Бишкек шаардык мэриянын басма сөз кызматы билдиргендей, жүргүнчүлөрдүн
бири тараткан, Интергельпого жайгаштырылгандардын жагдайы тууралуу маалыматы
чындыкка дал келбейт. Имарат жеке ишкерге таандык, студенттер үчүн жаңы шарттары бар мейманкана.
Имарат жаңы оңдолгон жана карантинден өтүү үчүн бардык шарттары түзүлгөн, бир кабаттагы бөлмөлөрдүн сыйымдуулугу 100 адамга ылайыкталган, 10 жуунучу бөлмө жана даараткана иштейт. Имарат камера менен жабдылып, видеобайкоо жана үн чыгаргыч (сигнализация) орнотулган.
Белгилей кетсек, жаңы келген мекендештер мейманкананын биринчи коноктору болуп калышты.
Пикирлер (0)
Пикир жок. Сиз биринчилерден болушуңуз мүмкүн